Միացե՛ք ՏԲՀԱ-ին

Հայաստանում ինտեգրացված առողջապահական տեղեկատվական համակարգի ստեղծման աջակցում (Հայկական Է-առողջապահական ծրագիր)

Է-առողջապահության առավելությունները ինչպես պացիենտների և առողջապահության ոլորտի մասնագետների, այնպես էլ հասարակության համար՝ առհասարակ, կարելի է նկարագրել հետևյալ մի քանի դրույթներով.

• Առողջապահական ծառայությունների հասանելիության և որակի բարելավում,
• Առողջապահական ծառայությունների ծախսերի արդյունավետության բարձրացում,
• Առղջապահական համակարգի կառավարման արդյունավետության բարձրացում,
• Բժշկական կրթության և գիտության հասանելիության և որակի բարելավում, հասարակության առողջապահական գրագիտության բարձրացում:

Այսպիսով, է-առողջապահական համակարգերը և ծառայությունները կազմակերպչական փոփոխությունների և նոր ունակությունների զարգացման հետ մեկտեղ կարող են մեծ նպաստ բերել հասարակությանը՝ վերջինիս առողջապահական սպասարկման որակի և հասանելիության բարելավման միջոցով: Սա նաև իր ներդրումը կունենա այսպես կոչված citizen-centered առողջապահության զարգացման և ընդհանրապես առողջապահական սեկտորի արդյունավետության և կայունության բարձրացման  համար: 

Է-առողջապահության ներդրումը պահանջում է բազմադիսցիպլինար համագործակցություն՝ ինչպես առողջապահության ոլորտի, այնպես էլ ՏՀՏ մասնագետների ներգրավմամբ: Է-առողջապահության զարգացման ծրագիրը թույլ կտա միավորել բոլոր շահագրգիռ կողմերի ջանքերը՝ Հայաստանում է-առողջապահական համակարգերի ներդրման և լայն կիրառման համար: Սա ի վերջո շահավետ կլինի բոլորին՝

• Պացիենտներին (որակյալ ծառայությունների համընդհանուր արդարացի հասանելիության և ծախսերի կրճատման առումով),
• Առողջապահության ոլորտի մասնագետներին (արդյունավետության, կարողունակությունների լայնացման առումով),
• Համայնքներին ( հասարակական առողջապահության արդյունավետության բարձրացման և ծախսերի կրճատման առումով):

Ծրագրիի նպատակն է խորհրդատվական աջակցություն ապահովել ներկա ոլորտի կանոնավորող մարմինների նախաձեռնություններին՝ Հայաստանի առողջապահական համակարգում Է-առողջապահական ծառայությունների նախագծման զարգացման և ներդրման ուղղությամբ (Հայկական Է-առողջապահական ծրագիր)

Այս առումով ՏԲՀԱ-ի ղեկավարությունը ակտիվորեն մասնակցում է ձևավորված բազմադիսցիպլինար աշխատանքային խմբի (Է-առողջապահական Խորհուրդ) գործունեությանը, որտեղ ընդգրկված են նաև կառավարական մարմիններ, հասարակական կազմակերպություններ, ակադեմիական և գիտական կենտրոններ, ՏՀՏ ոլորտի ներկայացուցիչներ և Է-առողջապահության ոլորտի առաջատար փորձագետներ: Խմբի գործունեության շրջանակներում Ասոցիացիան իր ուրույն ներդրումն է բերում ծրագրի առանցքային դրույթների մշակմանը, այդ թվում՝

• Երկրի առողջապահական սեկտորի վիճակի, երկրում գործող առողջապահության քաղակականության, Է-առողջապահության զարգացման միջազգային փորձի, ընդունված բժշկական գործունեության, ուսուցման, բժշկագիտության վրա նրա հնարավոր ազդեցության մանրամասն վերլուծություն,
• Է-առողջապահության ենթակառուցվածքների և բաղադրիչների ներդրման համար պատասխանատու և լիազոր մարմիններ,
• Է-առողջապահության ներդրման ծախսերի արդյունավետության վերլուծություն և բյուջեյի մշակում՝ ծրագրի իրագործման յուրաքանչյուր փուլի համար,
• Է-առողջապահության ազգային առաջնայնությունները և առաջիկա 10 տարվա կտրվածքով՝ ճանապարհային քարտեզները,
• Հիվանդանոցային Տեղեկատվական համակարգի (HIS)  և ազգային տելեբժշկական ցանցի կառուցվածքը,
• Փոխգործունակության, անվտանգության, տվյալների գաղտնիության ազգային ստանդարտներ,
• Առաջարկվող իրավական և ադմինիստրատիվ միջոցառումներ: