ARMENIAN ASSOCIATION OF TELEMEDICINE

Տնային Տելեառողջապահական ծառայությունների և շարժական էլ. առողջապահության զարգացում Հայաստանում

Հայաստանում է-առողջապահության և առողջապահական ՏՀՏ –ի ռազմավարական զարգացման ծրագրերում հատուկ տեղ է տրվում անլար տեխնոլոգիաների կիրառմանը՝ պացիենտների հեռահար բժշկական մոնիտորինգի և առողջապահական այլ խնդիրների համար: Հեռահար տնային առողջապահական ծառայությունները (Home telehealth) բացառիկ հնարավորություններ են ընդձեռում պացիենտների որոշակի խմբերի առողջական վիճակի պահպանման, քրոնիկ հիվանդների բժշկական հսկողության և բուժօգնության որակի բարելավման համար: Մեր օրերում “Բջջային տելեառողջապահությունը” (mHealth) ավելի ու ավելի է ամրապնդում իր դիրքերը, որպես առողջապահական տեղեկատվական տեխնոլոգիաների զարգացման ամենախոստումնալից ոլորտներից մեկը:

2012թ. հունիսին ՏԲՀԱ-ի գործընկերների շարքը համալրեցին տելեառողջապահական և բջջային առողջապահական (mHealth) սարքավորումներ արտադրող ֆիննական MegaKoto, և mHealth ծառայություններ տրամադրող հոլանդական Mobile Cardio ընկերությունները: Վերջիններիս հետ համագործակցությունը նպատակաուղղված է Հայաստանի սրտաբանական կլինիկաներում բջջային ԷՍԳ-տելեմոնիտորինգի համակարգի զարգացմանը և ներդրմանը: Համակարգը բաղկացած է կենտրոնական սերվերից, որոնք կապված են սրտաբանական կլինիկաներում տեղակայված աշխատակայաններին, ինչպես նաև փոքրածավալ շարժական մեկ արտածմամբ ԷՍԳ-գրանցող սարքից, որը Bluetooth-ի միջոցով միանում է հատուկ ծրագրային ապահովումով օժտված Անդրոիդ սմարտֆոնին: ԷՍԳ-գրանցող սարքից տվյալները հաղորդվում են սմարտֆոնին, որը իր հերթին դրանք ներբեռնում է սերվեր՝ լայնաշերտ շարժական ինտերնետային կապի միջոցով: Մոնիտորինգային աշխատակայանը իրական ժամանակում սերվերից ստանում է ազդանշանները (պացիենտի ԷՍԳ-ն), որոնք պատկերվում են խոշոր LED մոնիտորների վրա: Այսպիսով, աշխատակայանի մասնագիտացված բուժանձնակազմը 7/24 ռեժիմով անընդմեջ հսկում է պացիենտների ԷՍԳ տվյալները:

Միաժամանակ, պացիենտների բուժող բժիշկները կարող են մուտք գործել սերվեր և տեսնել հիվանդի ԷՍԳ-տվյալները՝ ինչպես live-ռեժիմով, այնպես էլ նախկինում գրանցված և պահպանված, ցանկացած պահի, օգտվելով ինտերնետին միացած ցանկացած սարքից: Այսպիսով, համակարգը թույլ է տալիս, որ սրտային խնդիրներ ունեցող ցանկացած անձ լինի շուրջօրյա էլեկտրասրտագրական հսկողության տակ, այնքան ժամանակ, որքան դա անհրաժեշտ է, առանց նրա շարժունակության կենսական ակտիվության սահմանափակման:

Այս պահից ի վեր այսպիսի գերժամանակակից տեխնոլոգիան հասանելի կլինի նաև Հայաստանի ազգաբնակչությանը: Արդեն իսկ ավարտված են նախնական տեղակայման աշխատանքները (ներառյալ՝ սերվերի, մեկ մոնիտորինգային աշխատակայանի տեղակայումը հանրապետության առաջատար սրտաբանական կլինիկաներից մեկում), համակարգի տեստավորման պիլոտային ծրագիրը՝ սրտաբանական հիվանդների ներգրավմամբ, և ծրագիրը մտնում է գործնական շահագործման փուլ:

2016-04-15

<img class=" wp-image-304 alignright" src="http://bme-masters.am/wp-content/uploads/2016/04/2016-04-08-11.38.45-300x225.jpg" alt="2016-04-08 11.38.45" width="378" height="283" /> 2016 թ. ապրիլի 8-ին Med-e-Tel-ի “Էլեկտրոնային և Առողջապահական ՏՀՏ կրթություն” նիստում ծրագրի ազգային կոորդինատոր, ՏԲՀԱ-ի նախագահ պրոֆ. Գեորգի Չալտիկյանը ներկայացրեց 15րոպե տևողությամբ զեկույց նվիրված TEMPUS-ի BME-ENA նախագծի շրջանակներում Կենսաբժշկական ճարտարագիտության նոր համատեղ Եվրոպական մագիստրոսական ծրագրի իրագործմանը Հայաստանում”:

Զեկույցի ընթացքում Գ. Չալտիկյանը նախագծի աշխատանքային խմբի անունից ներկայացրեց նախագծի նպատակներն ու խնդիրները, մագիստրոսական ծրագրի ստեղծմանը նպատակաուղղված գործունեությունը, ինչպես նաև Հայաստանում ծրագրի իրականացման գործընթացը: Ներկայացվեց նաև բազմադիսցիպլինար միացյալ կրթական ծրագրի ներդրման հետ կապված որոշ առանձնահատկություններ և մարտահրավերներ, լուսաբանելով դրանց հաղթահարման ուղղությամբ ծրագրի անձնակազմի փորձը: Միաժամանակ, զեկույցը հրատարակվել է միջոցառման վեբ կայքում և էլեկտրոնային կրիչների վրա՝ աբստրակտի, ինչպես նաև կոնֆերանսի նյութերի ժողովածուում՝ լիարժեք գիտական հոդվածի ձևով: Զեկույցից հետո, պրոֆ. Չալտիկյանը որպես մոդերատոր հանդես եկավ կենսաբժշկական տեխնոլոգիական կրթության նվաճումներին և հիմնախնդիրներին նվիրված քննարկման ժամանակ, որտեղ ոլորտի փորձագետներ պրոֆ. Մորիս Մարսի (Հարավ-աֆրիկյան Հանրապետություն), պրոֆ. Ռիչարդ Սքոթի (Կանադա) և լսարանի միջև տեղի ունեցավ կարծիքների փոխանակում կրթական ծրագրերի ստեղծման, հետագա համագործակցության հեռանկարների վերաբերյալ:

Միջոցառման ծրագրին կարող եք ծանոթանալ այցելելով՝ <a href="https://www.medetel.eu/?rub=educational_program&page=program#Fri">https://www.medetel.eu/?rub=educational_program&page=program#Fri</a>

Հղում: G. Chaltikyan, T. Saghatelyan, V. Buiatyan, V. Begoyan, H. Vardapetyan, S. Tiratsuyan, I. Buliev, Zh. Bliznakov. New Joint Master's Program in Biomedical Engineering (with Topics on Health ICT) in Armenia Developed through TEMPUS Project BME-ENA. Global Telemedicine and eHealth Updates: Knowledge Resources, Vol. 9, 2016: 161-167. ISSN 1998-5509.

<<Նախորդը

Հաջորդը>>