Միացե՛ք ՏԲՀԱ-ին

Պատմությունը

•    Տելեբժշկության և էլեկտրոնային առողջապահության ոլորտում մասնագիտական ազգային ասոցիացիայի ստեղծման մտահղացումը ծնվել է Բեռլինի Շարիտե համալսարանի պրոֆեսոր, Տելեախտաբանության ճանաչված փորձագետ Կլաուս Կայզերի հետ շփման ընթացքում (Գեորգի Չալտիկյան, 12 նոյեմբերի, 2008թ.):
•    Մտահղացումը քննարկվել է Հայաստանում առողջապահության և տեղեկատվական տեխնոլոգիաների ոլորտների մի շարք փորձագետների հետ: Վերջիններս հավանություն են տվել և ողջունել են նման նախաձեռնությունը, գտնելով, որ այն արտացոլում է երկրում առողջապահության կազմակերպման արդիական խնդիրները և տեղեկատվական ու տելեկոմունիկացիոն տեխնոլոգիաների զարգացման մեջ առկա առաջընթացը: 
•    Կազմավորվել է նախաձեռնող խումբ` մի խումբ բժիշկների և ՏՏ մասնագետների մասնակցությամբ (տես` Հիմնադիրներ), որը մշակել է ապագա ասոցիացիայի հայեցակարգը և Կանոնադրությունը:
•    2008թ. դեկտեմբերի 28-ին “Տելեբժշկության հայկական ասոցիացիա” (ՏԲՀԱ) անվանմամբ ոչ պետական շահույթ չհետապնդող կազմակերպությունը գրանցվել է ՀՀ Պետական ռեգիստրի Կենտրոնական մարմնի կողմից:
•    2009թ. հունվարի 15-ին հրավիրվել է ՏԲՀԱ-ի առաջին Ընդհանուր Ժողովը, որի ընթացքում ընտրվել է Ասոցիացիայի առաջին Խորհուրդը:
•    Անցած ժամանակահատվածում ՏԲՀԱ-ն մասնակցել է մի շարք աշխատանքային հանդիպումների և կոնֆերանսների (տես` Նորություններ), որոնց արդյունքում ուրվագծվել է Ասոցիացիայի մարտավարությունը և պլանավորվել են գործունեության ուղղությունները մոտակա ժամանակահատվածում:
•    2009թ. ապրիլի 1-ին ՏԲՀԱ-ն ընդունվել է  Տելեբժշկության և Էլեկտրոնային առողջապահության Միջազգային ընկերության (ISfTeH` տվյալ բնագավառում միջազգային առաջատար կազմակերպությունը, որը հանդիսանում է Առողջապահության Համաշխարհային Կազմակերպության պաշտոնական գործընկերը) ազգային անդամ` ներկայացնելով Հայաստանը կազմակերպությունում: